小朋友活潑好動容易撞傷，網友mener日前便大呼好慘，因為4歲囝囝玩到撞甩兩隻下門牙。囝囝血流如注，媽媽mener固然心痛，更擔心囝囝日後「冇牙用」，於是急急上網求救：「我想問乳齒有冇牙腳，我個仔甩出嚟隻乳齒好長。」網友Sindy解答：「乳齒都有牙腳，如果隻牙連牙腳一齊甩，可以執番用牛奶冲洗，對番好個位，插番落去㗎！」
或靜待恒齒長出
Sindy的建議聽落嚇人，但原來真的可行。據牙科醫生程式康解釋，兒童乳齒確有牙腳，而且可像成年人的恒齒一樣插回原位。不過，程式康建議媽媽以不變應萬變：「呢位家長毋須過份擔心，找牙醫替小朋友檢查後，如發現一切正常，可以不插回牙齒，靜待小朋友發育長出恒齒，唔會影響小朋友成長，插番乳齒落去反而有風險。」