日劇《14歲媽媽》引起各界討論，14歲的網民「CHANCAVEN」可能要成為「14歲老師」而苦惱，原來他的母親叫他替人補習數學，「今日媽咪同我講，話我數學咁好，可以同人補習。我即刻O咗嘴囉，我數學全級只係80名，做補習老師？輪都未輪到我啦。況且我得14歲，唔通幫幼稚園學生補習咩？」
或難兼顧學業
網民「HO0202549」稱，可能家人想「CHANCAVEN」幫補家計，「不過你最好都係過多兩年先幫人補習，因為放學之後又要同人補習，可能會兼顧唔到學業。」有網民指，14歲大約中三，替小學生補習綽綽有餘，「易過食生菜。」「儍瓜KK」反對，「搞掂自己啲成績先講啦，雖然我都有幫啲小學生補習，因為我阿媽開補習社，我要幫手，冇計。」