曼城前鋒保積洛夫前晚曼徹斯特打吡，8分鐘就因傷出場，最後證實需養傷3個月。呢位保加利亞球星近年球運認真不濟，上季被費倫天拿外借到祖雲達斯，結果幫球隊升上甲組後，祖記決定唔買斷佢，就咁被賣豬仔到曼城。原本佢跟住艾歷臣搵食都大把世界，點知𠵱家要長唞，希望佢可以快啲好番助對方一臂之力。