女為悅己者容，大個女愛美要扮靚，年僅4歲的女孩也修眉，是不是有點誇張？阿七在親子王國討論區表示，日前往修眉時，竟然看到一名母親帶同女兒修眉，令她訝異的是原來女童只有4歲，「竟然見到個4歲小朋友被修了眉，我即時覺得個媽咪係咪有問題。」
太早扮靚有反效果
周師奶認為4歲女童修眉太早了，「唔使呀！我有一雙山賊眉，都係18歲之後至修咋。」Edea認為小孩子充滿童真，太早為他們扮靚可能有反效果，「小朋友天真可愛，太早人工化修飾，就失去純樸感了。」
「我見過有啲搽埋手指甲油、染髮㖭！」RoccoMama說現時父母愛女心切，希望女兒扮得漂漂亮亮，所以幼童化妝並不出奇；有曾做幼稚園教師的網民稱，不但女孩子，有些媽媽也會為兒子扮靚返學，「有個男學生，大約3、4歲，佢本身係單眼皮，佢阿媽日日同佢黐雙眼皮膠紙，個小朋友同我哋講，媽咪想佢大個有雙眼皮喎。」多數網友對父母為子女化妝扮靚持反對意見，有人認為這樣做是另類投資，「個女大個後，要幫佢報名選美，將來嫁個有錢人。」