前晚利物浦對車路士賽後是非不絕，除問題12碼外，球證史泰斯被指向車仔球員艾辛出示第2張黃牌卻冇趕佢離場，賽後連艾辛同摩連奴都話當時以為要打少個。史泰斯賽後就解釋話張黃牌係畀泰利，堅稱冇錯喎！退休教證普爾就覺得史泰斯犯錯兼死撐，而後者喺風頭火勢之下，已經接到通知下輪英超聯可以唞吓。