高車士打雖然喺上周六嘅英冠聯只能打和班士利，暫時仲未能喺新一屆英冠聯打開勝利之門，不過今屆新加盟高車嘅老將舒寧咸就喺該役「開齋」。咸伯今年40有1，難得老而彌堅、有心有力，喺球場外不時追女仔，喺場內亦證明到自己，揭幕戰對錫菲聯時已踢得唔錯兼踢足90分鐘，上周六仲取得一球，認真可喜可賀。