咪以為貪靚係女人嘅專利，𠵱家好多男人都好姿整吓，尤其係做演藝界嗰啲，分分鐘貪靚過女人，甚至好似啲名太同女明星咁，整容整到上晒癮，就好似成日喺鏡頭前扮到懶有型兼情深款款嗰位公仔箱小生「少爺仔」咁，佢𠵱家個樣同出道嗰時，真係整到完全兩個人咁樣。
每年外遊維修
關仁聽聞佢除咗割雙眼皮同隆鼻之外，連個嘴甚至成塊面，都有七成以上修葺過，當中包括各大小工程，另外，少爺仔原來每年都要專登請假去外國維修，前前後後都使咗佢成幾百萬。不過，少爺仔係有錢仔，使幾百萬嚟買自信，佢當然覺得物超所值，但咁整落去，睇怕佢好快就會變成港版米高積遜咯！
Textby關仁
