徐濠縈及蘇永康前晚到金鐘Joyce欣賞07秋冬JunyaWatanabe騷，阿徐透露女兒年紀小小已經很貪靚，常會照鏡插袋。提到陳奕迅快將舉行個唱，她指這次主力幫朋友買飛，更曾誇張至一次開十幾萬支票找演唱會門票數，但也曾不幸被人走數。
潮媽徐濠縈及蘇永康前晚往金鐘太古廣場JoyceBoutique欣賞日本時裝品牌JunyaWatanabe的07秋冬騷，嚇人的不速之客黃夏蕙也一度出現店內。穿上MMM墊膊衫的阿徐襯駁髮look出現，問她有否遭女兒抓頭髮？她說：「有呀，嚟呢度之前先抓完，不過啲假髮好硬，唔會斷嘅。」
訂Eason飛遭走數
愛以黑衫打扮的阿徐，喜愛讓女兒穿上黑衫黑裙，連其母也忍不住問她為何經常將女兒打扮成黑麻麻，不過阿徐指女兒也十分貪靚，平時愛照鏡及插袋，也會自己挑選外出的服裝。
提到陳奕迅（Eason）快將舉行個唱，阿徐表示今次會退下火線，形象全力由黃偉文（Wyman）負責，她說：「我主要幫人買飛，呢樣嘢我做開㗎啦，𠵱家已經有人SMS畀我話要飛，有一個仲誇張到一個人要訂500張飛。以前佢開演唱會時，我試過開張十幾萬嘅支票找門票數，不過都試過畀人走幾千蚊數。」
蘇永康拚死保青春
蘇永康前晚則身穿日本潮牌MasterMind服裝出現，年底便滿40歲的他，笑言要努力保養身形及皮膚，他說：「好彩我去做身體檢查時醫生都話我體格似32歲，我份人唔怕死，最怕病。」
採訪：MaggieLaw
攝影：DickyChan
