向來予人好老公、好爸爸印象的張學友，前晚在個唱中少不免提及家人，學友先自嘲說：「自己係海員家庭出身，屋企所有男人都係行船，惟獨自己最冇出息，會暈船浪，我自細一擘大眼，成屋都係女人，𠵱家對住屋企人同工人，一個男人對住8個女人，所以我對女人非常了解，唔知大家同唔同意？」
寫歌𠱁囡囡
學友和太太羅美薇結婚11年，大女張瑤華七歲，細女張瑤菁也兩歲大了，年前他曾寫過《搖瑤》一曲送給大女，學友笑說：「之前我寫歌畀個女，但唔寫畀老婆，將來好快有問題出現。」說畢即抱起結他，唱出04年時寫給太太的《講妳知》，若羅美薇聽到老公點唱，相信一定冧到暈。
獻唱後意猶未盡的學友繼續𠱁老婆，在台上說：「呢首歌想送畀身邊女人無任歡迎，我老婆會好開心，大家唱我嘅歌，可以收版稅。」