多位本地時裝設計師包括鄭兆良、馬偉明、張路路、鄧達智、楊遠振等，昨日齊往沙田香港文化博物館出席「潮．香港時裝設計展覽」，現場並有一場時裝騷，眾人的作品會在館內展出半年。其中楊遠振更向多位藝人如肥姐沈殿霞、鄭裕玲（嘟嘟）等，商借由他設計的服裝作展覽。
馬偉明襯粗口歌
問楊遠振常為藝人設計服裝，誰最難服侍？他說：「比較難服侍係以前嘅小鳳姐，佢要求好高，其他肥姐同嘟嘟姐都好易話為，肥姐只要件衫顏色sharp就得。」問他有沒有探望肥姐？他說：「有呀，佢精神好好，並唔係傳媒寫嘅咁樣。」
同場展出馬偉明的作品時，他用了LMF的粗口歌《反骨仔》做背景歌曲，見現場即時有小朋友掩耳，事後告之馬偉明此事時，他說：「乜有小朋友咩？我仲見到有修女㖭，以前喺北京、上海做騷都係播呢首歌，好多謝博物館今次都畀我播呢首歌。」
採訪：MaggieLaw 攝影：DickyChan
