「青蘋果」又搞美容，又搞酒吧，搞到有聲有色，佢嘅交際手腕同佢營商之道真係毋庸置疑。佢兩個女都生得亭亭玉立，大女「貝殼」更青出於藍，一副驕人身段完全唔單止遺傳晒阿媽嘅優點，更有過之而無不及，青蘋果就係睇準個女呢個優點，安排個女放暑假跟住佢四圍蒲仲安排佢去自己間酒吧做公關，美其名就係畀個女學吓做生意，但其實就係用個女做生招牌，等酒吧啲生意可以客似雲來。而貝殼自己都不知幾享受晚晚蒲吧跟住阿媽四圍去，關仁聽佢啲朋友講，話佢係唔想做明星，但就好想好似啲名媛咁成日見報，個身份又比明星高級同高貴好多，一個唔覺意喺酒吧釣到個有錢仔，就更加可以繼續做闊太㖭。
Textby關仁