亞視雙線劇集《大城小故事》和《笨小孩》眾演員昨日齊集深水埗西九龍中心宣傳，出席演員包括李香琴、盧海鵬、羅家英及吳亭欣等，琴姐和鵬哥在台上趁機大爆亞視製作混亂，經常收不到劇本，鵬哥說：「今日唔知聽日撈乜嘢㗎。」
冇劇本似背書
琴姐對亞視工作安排甚為不滿，她說：「試過1點要開廠，12點半返到化妝間，又未開門，又收唔到劇本，跟住一開工就要我拍六場，點記呀？搞到唔係拍劇，係背書，我有向公司反映，如果再係咁我唔做，我唔要錢。公司只係話會同啲編審溝通吓，好彩套劇9月尾會完，惟有好頭好尾囉。」亞視高層楊紹鴻直認接到投訴，他解釋由於突然加插了外地場面，編劇要趕工，稍後會回復正常。
採訪、攝影：卓寶花