身材標致的劉婉婷（Yuki），外表溫婉帶點冷酷，卻偏偏與她不拘小節、男仔頭又愛刺激的性格成了強烈對比。看似敢愛敢做的她，卻因身上的三個紋身後悔不已，Yuki說：「呢樣係我細個一直想擁有，但係入行後先知，呢樣嘢帶畀我好多唔方便。記得有一次去做一個內衣騷casting，着咗件內衣出嚟個個人都嘩嘩聲，但係一轉身，佢哋就同我講『Sorry,youhavetattoo.』當時真係好唔開心，一直都諗但願冇紋過。」
拍電影興奮
Yuki自認未有資格高攀如熊黛林與陳嘉容等本地超級名模，但她卻對演藝事業充滿憧憬，她說：「我唔夠高，身形又唔好，冇資格好似佢哋咁做，但係我鍾意做藝人，可以學多啲嘢，我嘅目標係做一個成功藝人，而我仲有一個心願，就係希望可以影到一輯由我偶像夏永康拍嘅相集。」
早前Yuki接拍了馬偉豪導演、改編自日本同名漫畫電影《蠍子》，在片中飾演郭品超的妹妹，首次拍電影，令她既興奮又開心，她說：「喺戲入面我乜嘢都試過，喊、俾人打同死都嘗試過，拍攝時就好似自己第一次上台行騷，望住前面有好多部相機對住你係咁影，感覺好刺激。」
採訪：MaggieLaw
攝影：MatthewLam
泳裝：PrivateShop
人物誌：貪過癮入行踩埋影壇
姓名：劉婉婷（Yuki）
年齡：21歲
身高：170cm
三圍：33C、23、35
劉婉婷四年前在她的17歲生日會中，被模特兒公司看中，一心貪過癮任兼職模特兒，其後一年接受了正統的模特兒訓練，18歲正式與模特兒公司Elite簽約，至今曾拍攝歐萊雅、恒生銀行及香港旅遊業議會等廣告，早前更被馬偉豪導演邀請接拍新片《蠍子》。
