香港樂壇頒獎禮份屬畀面派對，昨日無綫在奧海城舉行《勁歌優秀選》拉票活動，由於只有廣東歌部份開放予市民投票，故只得國語歌入選的陳奕迅（Eason）不用拉票，但他仍畀面出席活動，看來他的國語歌得獎成數相當高。
無綫將於下月1日舉行《2007年度勁歌金曲優秀選第2回》，陳奕迅、孫耀威、薛凱琪、鄭融和張敬軒等，昨日於奧海城出席拉票活動。每位歌手在場挑選觀眾上台rap出農夫負責的拉票歌曲，參選人的動作騎呢搞笑，惹得全場捧腹。
只得國語歌入選
每次優秀選，只有廣東歌部份開放予市民投票，昨天出席的歌手中，全部都有歌曲打入優秀選，惟獨Eason只得國語歌入選，但該部份並不列入投票之列，故他根本毋須拉票。Eason昨日的工作也排得密麻麻，及至活動尾聲才趕及到場，可見這位「最受歡迎男歌星」果然十分畀面。
談到沒有歌入選也來撐場，Eason說：「我冇歌咩？咁我做乜嚟呀？公司叫我嚟㗎！我個人流離浪蕩，係個浪子，有冇歌都冇所謂啦！」
至於重投樂壇的孫耀威，自當年奪過新人獎後，今次首次參加優秀選即兩首歌入圍，他開心表示：「𠵱家頒獎禮唔似以前四大天王年代火藥味咁勁，班後生歌手有自己風格，不過大家要團結搞好香港音樂。」
此外，Eason昨日參與商台《LoveUnion》於土瓜灣的活動，與50多位年輕人分享認識愛情，Eason透過歌曲講解懂得被愛重要，談得興起時，更清唱《普通朋友》，他鍾情相愛後無奈分開的愛情故事，但笑言現實生活未曾試過。
撞車等對方賠償
談到日前睇完騷載房祖名離開時發生交通意外，Eason說：「我唔知狗仔隊追祖名，當晚我哋八個朋友睇騷，有薛凱琪份。撞車純粹意外，我架車都幾傷，𠵱家等報價，再要求撞我嘅司機賠，但最緊要人冇事。」
採訪：王連連、馬建華
攝影：仇志德
