20/08/07.....
有雨
最新動態
上次讚完球彩台做得唔錯，今次點都要彈吓咯！
我同大家講過，呢個節目最成功之處在於以港人行事嘅速度，連珠炮發式由唔同主持喺短時間畀料，令人眼花繚亂，感覺上畀波水準點都唔會太差；所以你會留意到，佢哋好鍾意畀啲所謂鬼盤嘅下盤叫人買；即受讓平/半低水必博下盤，你表面睇有六成贏面，但其實若和波執半格，多數只得三、四成利潤，畀3場輸1個盤，都冇乜得執。
不過各師各法，主持生鬼，又叫波友賭得開心，都算係一個成功節目；不過好似上個禮拜五場荷甲，只見熱門嘅海倫芬不斷退熱，佢哋眾主持同盤路專家仍說冇問題，今次「與飛為敵」，可照贏威廉二世；查實我同事吾中，早在當日下晝5點已勸我，「海倫芬位王牌射手艾方素因操練遲到，今晚被『雪藏』，叫我咪掂。」一位主力唔出，唔不代表隊波唔贏得，不過呢類咁重要嘅即日資訊，唔係盤路咁簡單，若真係冇向觀眾提及，節目中仍大力推介，那位做資料搜集嘅同事，抵打屁股咯！
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/