前晚大家焦點喺晒英超波，其實夜場布拉加主場對波圖場葡超亦具可觀性，哥利斯馬上、下半場各入一個自由球射垮對手，兩球波，尤其係第2球喺左輔位射中楣底入嗰球，簡直係教材。總覺得哥利斯馬喺葡超係龍游淺水，據講皇家馬德里同馬體會都有意向佢招手，咁就即管睇佢9月前仲係咪留喺波圖先。