韓星尹恩惠近日馬不停蹄趕拍攝新劇《咖啡王子1號店》，日前有fans就偷拍到佢同男主角公侑等人拍攝出席婚宴嘅場面。雖然當中有尹恩惠着婚紗嘅相，但真正舉行結婚嘅係劇中男女配角李善均同蔡靜安。公侑未埋位前喺片場邊讀劇本邊吞雲吐霧，至於喺劇中女扮男裝嘅尹恩惠，就難得以娘炳女裝示人。套劇就快大結局，fans都希望男女主角能夠大團圓。