係人都知司徒瑞祈（阿水）以前係香港游泳代表隊員，通常運動員對飲食要求都好嚴格，但阿水就話自己由細到大都有點揀飲擇食，好似永不食豆。今次佢話要整意大利薄餅，仲要焗到黑麻麻先夠脆，咬到嗦嗦聲夠晒爽！
記者：林佩婷
攝影：楊錦文
烹飪指導：麗豪酒店意廊助理總廚賴瑞雄（21321235）
姓名：賴瑞雄（左）
入廚經驗：18年
最滿意菜式：意粉、汁醬
姓名：司徒瑞祈（右）
入廚經驗：10年以上
最滿意菜式：豉油雞翼
煮餸煮到爆煲
咪以為男仔唔鍾意入廚，阿水細細個就成日入廚房幫阿媽手，大個咗同朋友住就最鍾意煮飯一齊食：「以前練水嗰陣，不時要去外國訓練。為咗令我哋更獨立，教練特登租獨立屋，我哋輪流煮早午晚餐。由於當時烹飪經驗唔夠多，廚具又同屋企嗰啲唔同，記得有次我用個玻璃煲煮嘢，點知煮煮吓佢突然成個爆開，啲食物噴到一地都係，好彩嗰次無人喺附近，亦警惕我以後煮食要小心。
銀魚柳橄欖水瓜柳薄餅
0hr30min
份量：4人
材料
餅底材料：意大利麵粉250克、粟米粉80克、水150毫升、Yeast依士粉60克、糖/鹽各少許
薄餅餡料：Mozzarella芝士180克、番茄醬50毫升、黑水欖30克（切片）、銀魚柳50克、水瓜柳少許
做法
1.將餅底材料拌勻後搓成粉糰，壓成直徑約10吋餅底。
2.將薄餅的各種餡料整齊地鋪於餅面上。
3.將整個薄餅放入焗爐以250℃焗10至12分鐘便成。
貼士
將薄餅底焗至呈少許深黑色，薄餅會較脆口，咬落嗦嗦聲更有口感。
蒜香香草焗鱸魚
0hr20min
份量：2人
材料
鱸魚1條（約220克）、原粒蒜子3粒、迷迭香10克、白酒/水各150毫升、牛油1湯匙、鹽少許
做法
1.鱸魚起柳，煎熟魚皮一面，然後加迷迭香一起放於鍋中。
2.蒜子爆香至金黃，加上白酒、牛油、水及鹽後放入鍋中，再放入已預熱至180℃焗爐焗8至10分鐘，出爐後先將鱸魚上碟，再將鍋中的醬汁煮一煮，淋於魚上便成。
貼士
煎魚一定要煎至金黃。蒜子不可煮太耐，否則易焦燶。
香橙砵酒燴鴨
0hr20min（未計醃鴨胸時間）
份量：2人
材料
鴨胸/橙各1個、砵酒/紅酒/水各100毫升、牛油1茶匙、洋葱粒/甘笋粒各50克、百里香香草3支
做法
1.用紅酒、洋葱、甘笋及百里香香草將鴨胸醃味約3至4小時。
2.落油將鴨胸煎至金黃，再將鴨胸反轉煎1分鐘。
3.將鴨胸放入焗爐，預熱至300℃焗7至8分鐘到5成熟。
4.將半個橙起肉、半個榨汁後加入砵酒及水同煮3分鐘，將鴨胸及牛油放於醬汁中煮2至3分鐘便成。
貼士
落油煎鴨胸時，略為煎香至金黃色便可，不可煎太長時間，否則肉質變韌。
鮮果意大利飯布甸
2hr00min
份量：2人
材料
意大利米25克、水250毫升、牛奶80毫升、椰絲60克、糖10克、椰子酒各10毫升、蛋白15克、菠蘿粒50克、冧酒5毫升、牛油8克、芒果粒50克、呍呢拿條1/4條（留籽備用）
做法
1.水煮滾，加入意大利米煮5分鐘至半熟米飯，再加入牛奶及椰絲一起用慢火煮沸，其間需慢慢攪拌避免黐底。
2.飯煮熟後，加入5克砂糖、蛋白及椰子酒拌勻備用。
3.燒熱平底鍋，加牛油及5克砂糖，將砂糖炒至微黃，再加入菠蘿及冧酒略煮收火。
4.將芒果肉及呍呢拿籽拌勻備用。將菠蘿粒鋪於圓模低層，再加入椰子飯及芒果粒，放於4℃的雪櫃內1小時，除去圓模後便可。
貼士
煮意大利米時要加多些水，令米飯煮得較軟。
買定料：鄧達智明日同你煮餸
喇沙蒟蒻麵
蒟蒻麵1包、靈芝菇30克、中蝦100克、番茄1個、椰漿75毫升、鮮奶500毫升、香茅50克、洋葱20克、南薑15克、辣椒仔2隻、咖喱醬7茶匙、大喜慶頂湯皇1茶匙
七彩加多加多
本地有機通菜200克、新西蘭芽菜40克、紅薯150克、番茄1個、花生沙嗲醬3大茶匙、腰果碎少許
中蝦墨魚汁扁意粉
菠菜扁意粉500克、中蝦50克、奧勒岡6克、迷迭香6克、洋葱65克、墨魚連汁罐頭1罐
鯖魚雜菜沙律
煙鯖魚1包3條、白苦瓜/金芒/黃椒各1/3個、比利時番茄2個、荷蘭番茄2個、以色列無花果3個、中東Hommos醬3大湯匙、牛油果1個、原味乳酪75克、蛋黃醬1湯匙
（所有材料可在九龍灣德福廣場MarketPlacebyJasons買到。）