楊思琦（圖）噚日喺荃灣廣場出席活動，近日有報道指張敬軒同思琦拍MV後撻着，事後思琦講過純粹係想軒仔介紹唱歌老師畀佢，先會交換電話。被問到點解唔直接叫軒仔教唱歌，佢話：「唔得，佢咁忙，唔好誤會呀，大家都係工作，年輕人啱傾，冇其他嘢！」咁男友李泳豪會唔會呷醋呢？佢話：「冇，自己都有好多男性朋友電話。」