早幾日被姨甥仔拉咗去荷里活廣場睇高達模型展，個模型展大大話話都成500款，又有全球首度曝光嘅劉備、關羽、張飛高達模型，嗰個「小魔怪」固然睇得興奮，我都睇得好開心。你哋咪睇我係女仔，我都係高達迷嚟㗎！
咁啱我嗰日又撞到荷里活嘅靚女公關Vicky，佢話成日有睇我寫嘅消費Blog，又話今次高達展覽啱晒我啲粉絲，會場仲展出四款特別版高達模型，喺外邊店舖冇得賣，分別係PGRX-78-2高達大河原邦男版、MG馬莎專用蟹魔電鍍特別版、美亞專用渣古戰士電鍍特別版，同埋HGUC馬沙專用大魔電鍍特別版。今次就會送出五個HGUC馬沙專用大魔電鍍特別版畀消費Blog粉絲，每個價值280蚊。
有興趣嘅朋友可以寫低姓名、電話，然後電郵至[email protected]，先到先得，查詢電話：21188811。
逢周一至周四刊出