【本報訊】剛宣佈加價的吉野家牛肉飯專門店，被顧客投訴牛肉飯有異物。一名青年昨光顧吉野家元朗分店，進食時被物件刺傷口腔，弄至滿口血污，吐出竟發現一塊爛碗的碎片，受傷之餘並受驚嚇，事後送院敷治。他聲言保留追究權利，要求賠償10,000多元。
「吐出嘅血成碗咁多」
21歲姓梁事主表示，一向是吉野家的忠實擁躉，「最鍾意食嗰度啲牛肉飯，每個禮拜都幫襯兩、三次，呢件事（食碎片）搞到我有陰影，諗過以後唔再幫襯」。梁自稱在天水圍任快餐店廚房工人，年多前扭傷腰，現時仍放工傷假，事發前由兄長陪同工傷覆診，之後到吉野家食飯。
現場元朗廣場2樓吉野家，昨上午11時，梁與兄長點了兩客早餐牛肉飯連凍檸茶，梁進食到一半時，發覺口內有硬物，「我即刻將佢吐出嚟，係一塊白色、好似手指尾指甲大細，類似爛碗嘅瓷碎片。」他口腔被割傷流血，職員知悉事件向他道歉，並將有碎片的牛肉飯撿走。
他續稱：「我諗住算數，但傷口係咁流血，我吐出嚟嘅血有成碗咁多。」事後吉野家職員報警，並由經理陪同送院，事主經治理無礙已經出院，醫生吩咐他食流質食物，「我個傷口仲好痛，食碗粥都食咗半個鐘頭。」他質疑吉野家職員將有問題的牛肉飯撿走，有「毀屍滅迹」之嫌，他並向食環署投訴，食環署表示會跟進個案。
吉野家特設小組調查
梁聲稱對吉野家失望，並將會追究責任，他又不滿該名吉野家經理，沒有主動支付100元急症室費用，他開腔指沒錢搭車返家，經理才給他30元。梁說，吉野家顧客服務主任昨晚與他聯絡，了解他有何需要，他聲稱會追討賠償，要求賠款10,000多元，以彌補身心損失。吉野家發言人稱，已設立特別調查小組，了解事件經過及當時情況。並表示吉野家所有產品，採取嚴格系統及標準，確保食物安全。
本年4月27日，吉野家黃埔分店，一名少年容志強（17歲），自編自導自演吞釘騙案，企圖向店方索償，警方調查揭破他吞釘行騙，法庭裁定他欺詐罪成，還柙至下周三宣判。