孩提時代的回憶，會是充滿快樂還是罪惡呢？未滿18歲幫父母買煙買酒買六合彩，原來不少網民都曾經做過錯事，例如亂過馬路及亂拋垃圾。然而，網友「天才小子」卻認真對待，還有感而發：「細細個犯過咁多法，何況大個！？家教真係好重要！」
網友「神話世紀808」率先認錯：「那次，我不小心跌了個五蚊硬幣落地下，它一直的滾呀滾，滾到機舖裏，就這樣，我犯了第一次法！^0^」網友「古智仔」承認自己多在網上非法下載，但未試過與人打架：「俾人追打就試過！」
阿叔幫口 成功買酒
網友「有的是錢」說：「我試過攞汽水罐掟差佬，之後俾佢捉咗，不過嗰陣好細個，俾佢話兩句就冇事。」網友「yamazakichizuru」也表白：「以前試過為咗成功感而偷嘢，不過金盆洗手咗好耐啦！」最搞笑是「芯雪」：「細個嗰陣幫屋企人買酒，畀錢嗰陣，收錢嗰位阿姐話我未夠18歲唔畀買，跟住後面嗰位阿叔就話：『咁我幫佢買囉！』（真係唔該晒佢！）」