上周提供兩場早飛南錫及聖伊天W，結果順利開出，總算打響頭炮；今周繼續取易不取難，重槌里昂客W。
里昂上仗作客不敵圖盧茲，最大原因為中場卡斯唐開賽早段紅牌被逐，又有中堅克里斯傷出，不過都可以頂到差不多完場，90分鐘才告失守，整體實力仍然值得信賴。
今周里昂作客羅連安特，最大有利因素是球員休息充足；雖然法甲周中加開快車，不過原定賽程安排為朗斯對里昂，因為朗斯參戰歐協盃，里昂變相免役，相反羅連安特就要作客硬拼巴黎聖日耳門。雖然羅連安特最終贏3:1，但一來一回，兵源已經較雄厚的里昂，更加有體力上優勢。以里昂堂堂法甲6連霸，相信唔會連續兩仗失威，今仗客W預計臨場越來越熱，一早買定有着數。
文：牽牛