唔少韓國女星因結婚而引退，又因為離婚而復出，韓娛網站「韓劇社區」就有網友開咗個「韓女星婚姻失敗，離婚後覓得事業第二春」嘅討論主題，以失婚女星李美妍、高賢貞同崔真實為對象，講番佢哋嘅離婚故事，原來李美妍同崔真實有個衰老公，高賢貞就俾白鴿眼親家排擠，認真慘！
呢三個女星離婚就好多人都知，但好多香港網友都唔知佢哋離婚嘅來龍去脈。網友紫丁香講番崔真實00年同棒球手結婚，老公唔單止另結新歡，仲虐打佢，崔真實離婚復出，就憑《玫瑰人生》人氣急升。
老公有外遇
李美妍95年同男星金承佑結婚，點知老公有外遇，搞到離婚，有傳金承佑當時就係搭上現任妻子金南珠，李美妍之後憑韓劇《明成皇后》東山再起。高賢貞就同三星集團繼承人95年結婚，但慘被家族成員排擠，最後離婚，復出後佢憑《春日》再創人氣。見到佢哋離婚後事業再創高峯，難怪網友gt14754話：「愛情並不是人生的全部，生活過得自信最緊要。」
版主：阿Net
本欄逢周一至五刊出
網址： http://www.kdocn.com/bbs/thread-244967-1-1.html