演慣喜劇的張家輝，一向給人開朗樂觀的感覺，誰知家有嬌妻愛女的他，昨日竟在網誌中自爆患有輕度抑鬱症，要看專科醫生及接受治療，幸好已康復了大半。
意志抗病失敗
凌零發昨日瀏覽家輝的blog，他以「真真相」為題發表文章，自爆早前到雲南拍攝《紅河》時患上輕度抑鬱症，並勉勵抑鬱症患者勇於接受治療。家輝慨嘆身為藝人，已無形間承受極大壓力，加上他飾演的角色大起大落，難以在現實中抽離，令他感到迷失，家輝在文中說：「演員嘅結果只有一個——黐梗，但程度因人而異。」
自知不妥的家輝，回港後決心靠意志抵抗抑鬱，不過最後還是去看專科醫生，他笑說：「最放心就係聽到醫生講，其實抑鬱症好普通，亦好快復原，聽到呢度都好咗一半，當然我仍然需要接受治療，而最欣慰嘅就係醫生話聰明人先容易患上……」樂觀性格依然不變。
情緒波動好大
記者昨日致電給家輝，他承認確實患了輕微抑鬱症，透過周潤發介紹，他已看了精神科醫生，他說：「好多謝發哥咁關心我，早排我喺內地拍戲，因環境太惡劣，家人又唔喺身邊，自己情緒波動好大，經常會發生心跳加速、發冷、手震、失眠、暴躁同多疑呢啲情況，返到香港後情況冇乜大改善，發哥就搵人勸我去睇醫生，呢個抑鬱症已害死唔少香港人，大家真係唔好忽視呢個病，亦都唔使怕，最緊要去求醫。」
版主：凌零發
搵穿崩
若果各位讀者發現《歲月風雲》或《爸爸閉翳》有任何唔合理嘅情節或者穿崩鏡頭，歡迎大家電郵到[email protected]報料。
