【本報訊】內地供港活牛數目由一星期前121頭銳減至昨日只得50頭，約20名牛羊業商會會員不滿供港活牛數目進一步下跌，今晨10時將到中環美利大廈食物環境衞生署總部抗議。九龍牛羊業商會副理事長周德表示，計劃與食物及衞生局局長周一嶽見面。
提議邀廣南行供活牛
周德指，牛隻供應減少，業界每日虧蝕，生計難保：「我搵啖食啫，手作仔，你連個數量都畀唔到我，價錢又唔同我講，到底你想我點？」但他表示，暫時不會再罷巿。
立法會食物安全及環境衞生事務委員會副主席李華明指，五豐行收購活牛欠缺透明度，「入面（內地）又無牛瘟疫，又無藍耳病，係咪五豐行食水深，所以攞唔到牛嚟香港賣呢？」
李華明表示，牛隻巿場不大，每日只需約130隻，利潤不高，難以引入競爭，但他認為政府可出面邀請剛承接豬肉供應的廣南行，到各省巿採購牛肉，「雖然無乜錢賺，但佢哋啱啱接咗豬嚟做，可以補貼吓。」
食物及衞生局則表示，一直與國家商務部和代理行溝通，期望五豐行繼續努力收購活牛供港。