現年24歲的日伽去年未參選香港小姐前，性格內向，從未想過在鏡頭前穿三點式，落選後，她沒想過再涉足娛樂圈，並找了一份日語繙譯員工作，過着安穩文員生活。殊不知日伽有天突然收到無綫通知，獲得修讀第21期藝員訓練班機會，她說：「收到通知後心情十五十六，足足諗咗成個月，以前成日聽人講娛樂圈係大染缸，點知爹哋媽咪鼓勵我，佢哋知我怕醜，想我接觸多啲嘢學精靈啲，若果當日放棄呢個機會，我一定會後悔。」
期望拍劇
原名傅韻如的日伽修畢訓練班後，覺得溝通技巧比以前好了，連父母都大讚她性格較以前開朗，她說：「以前我唔會着三點式影相，𠵱家喺鏡頭前會好自然，明白乜嘢係工作，若果將來要着泳衣演出都唔介意。」
參與《一擲千金》令知名度提高，成為街坊及媽咪談論焦點。身為芸芸千金小姐其中一位，每次出鏡只得數10秒，但她認為只要有份參與便夠，靜待拍劇機會來臨。日伽平日會留意人生百態及睇戲，從中吸取演繹技巧，而本身擁有八級鋼琴及日本語文一級證書學歷的她，也希望有份主持音樂及日本節目發揮所長。
採訪：馬建華
攝影：陳志嵐
