【本報訊】22名巿民分別食用荃灣稻香超級漁港及馳名素食店普光齋的食物後懷疑食物中毒，出現肚痛、肚瀉，嘔吐及發燒病徵，其中1人入住荃灣港安醫院，情況穩定，另外12人到急症室及私家醫生求診，毋須入院。受影響巿民分別食用過海蜇乳豬拼盤、荷葉飯及齋滷味。有傳染病專科醫生指，齋滷味食前不會翻熱，是高危食品。
荃灣稻香11食客屙嘔
11名年齡介乎5歲至58歲的巿民，8月12日晚上於荃灣稻香用膳，其後出現肚痛、腹瀉及嘔吐病徵；其中1人入住荃灣港安醫院，現時情況穩定，另外8人到私家醫生求診，毋須入院。稻香集團企業傳訊處主管郭小姐表示，食物環境衞生署人員昨午已到荃灣分店巡查，取走海蜇及乳豬樣本化驗，該店會加強清潔，並暫時停售海蜇。
另外兩批市民共11人，本周日先後在普光齋購買晚餐返家食用及在店內進食自助晚餐後不適，年齡介乎19歲至57歲，約3至20小時後，出現肚痛、肚瀉、嘔吐及發燒病徵；其中兩人向私家醫生求診，另外兩人分別到瑪嘉烈醫院急症室及九龍一間私家醫院求診，各人均毋須入院。
位於油麻地的普光齋以廣東式素菜為主，股東星光熠熠，包括已淡出娛樂圈的王愛明與近期人氣急升的「細契」關菊英。
普光齋：雪櫃唔夠凍
普光齋副經理鄧先生懷疑，是次食物中毒，可能與齋滷味有關，「因為兩班人都食過齋滷味，今日下晝食環署嚟check過，發現個雪櫃原來唔夠凍，有6、7度，但我哋個溫度計就顯示4度，我哋已經搵咗師傅聽日嚟整。」該店將大洗廚房，暫時不會出售沙律、粉皮、凉粉等冷點，齋滷味會轉用其他雪櫃貯存。
本身茹素的傳染病專科醫生勞永樂指，是次的「疑兇」齋滷味通常冷食、預先製作、不會翻熱，最宜細菌生長，「啲齋滷味幾日做一批，若唔長期貯存喺攝氏0至4度嘅雪櫃，極容易變壞，就算個雪櫃好夠凍，如果成日開雪櫃，或者外邊環境太熱，啲食物都會變壞，所以唔可以貯存超過五天。」
衞生防護中心提醒巿民，提取外賣食物後應盡快進食；不可存放於室溫下超過兩小時；食物要徹底翻熱才可進食。