【本報訊】凱琳飲水思源女兒傲骨，贏得長輩讚譽。教育專家指出，凱琳的抉擇是個好榜樣，讓人明白揀學校不應只講名牌，最重要是適合自己。更值得欣賞的是，凱琳不嫌棄以母語教學的中中屋邨母校，給社會傳達了一種不功利、靠自己的踏實意識。
理工大學學生輔導網絡主任崔日雄說，很多家長和學生出於羊群心理，盲目追求名校，其實原校升學往往是最理想的方向。他盛讚凱琳態度正確：「佢喺名氣、金錢同感情之間，選擇咗感情，畀到一個好好嘅訊息出來，就係當所有人都只揀名校嘅時候，佢選擇唔靠名校，而係靠自己，呢樣嘢先重要。」
全家同拒不勞而獲
凱琳母校原是一間不見經傳的中文中學，本身也是中中校長的學友社社長謝劍明對凱琳擊節讚賞：「佢唔接受商業贊助，證明佢同家人都唔貪圖唔係靠自己努力得番嚟嘅嘢。」
謝劍明形容凱琳的決定是飲水思源的表現：「有人可能會覺得佢好戇居，外人係唔會明白。佢肯定咗母校對佢嘅栽培，我作為中中嘅校長，覺得好安慰。」
教育評議會副主席何漢權說，凱琳原區升讀草根學校，是一種值得宣揚的意識：「我覺得佢有一種根嘅意識，唔功利，唔介意留喺唔出名嘅學校，值得時下青少年學習。」