啲男同事有時好鬼衰，我同啲姊妹偶爾圍埋傾吓啲名牌貨，就話我哋係港女，鍾意用名牌，但係連個名都唔識讀。我承認有啲牌子唔識讀，特別係啲法文字，未學過唔識讀有乜出奇。
商務印書館嘅老友Patrick好支持我嘅講法，佢話好多潮流品牌、飲食等嘅名詞會似曾相識，但真係未必識讀，好似CommedesGarcons、LOEWE、ChateauMontelena等，即使會讀又唔一定知道佢嘅含義。所以商務最近出咗本連遊戲光碟嘅新書《我敢讀英語話題詞》（圖），從飲食、潮流品牌、文化生活以至世界名勝咁，幫讀者征服常見但經常錯讀嘅英語話題詞，法文英文發音全部有齊。新書售68蚊，有試用版免費下載（ http://www.cp-edu.com/talkingpoints/）。
Patrick仲話，公司預咗五本《我敢讀英語話題詞》送畀消費Blog嘅粉絲，有興趣填上姓名、聯絡電話及「索取蘋果消費Blog讀者禮物」字樣，email去[email protected]，先到先得。查詢電話：29766583。
逢周一至周四刊出