美式炸雞甘香惹味，識食之人最愛炸得又香又脆的雞皮，「新界討論王」近日卻為了這塊「至愛」的皮與女朋友吵架，原來他的女朋友怕肥，聞皮色變，連他也不准食。
「佢丟咗都唔畀我食」
「新界討論王」表示，他的女朋友吃炸雞時會第一時間搣去雞皮，「佢丟咗塊雞皮都唔畀我食，點可以唔食雞皮㗎！真係過份！」為食一族多認為雞皮才是炸雞精華所在，網友「rerere」稱食雞必須連皮，「我覺得塊雞皮先係精華所在，唔食皮不如唔好食炸雞。」
不過很多女士卻視雞皮為洪水猛獸，網友「charlotte104」指雞皮又肥又膩，「我最多食少少，唔會食晒全塊雞皮。」Vicky認為「新界討論王」小題大做，「唔食雞皮有咩問題？我都唔食喎，如果有人食，我又唔會唔畀佢食嘅！」網友Happy姐稱，「你女朋友為你好啫，食雞皮唔健康，你應該錫佢就真。」Sugar_Cola說雖然明知多食雞皮不健康，但實在難敵美味，「真係忍唔住口要食。」