最新動態
14/08/2007.....
天陰有雨
自己經常都幫襯的士司機，但卻絕少call「8折的」，因為屋企人都曾經揸過的士，明白箇中苦況，人家嘅辛苦錢，我們無謂從中講價搵着數；何況，𠵱家的士大佬每每喺車頭擺咗幾個手機，單手揸車，單手揸筆，聽住電話兜生意，一心幾用，我在車上，如坐針氈。昨日返工，個司機幾乎車咗我去公司後面嘅電視城，真係驚有一天遇到著名電視藝員細佬嘅悲慘遭遇．．．．．．。
我做人有時都幾執着，不過近年賭性開始改變，肯放棄成見；無他者，要賭得開心，首先不能長輸，等中一次符碌翻身；另外要贏就應該邊隊波都會下注（上次買新特蘭，今晚買番死敵熱刺），無必要同錢鬥氣；另外，乜嘢聯賽都應該識賭，度唔通，巴甲可以問畢傑、意甲問藍鑽石、美職聯問吾中，唔好覺得自己天下無敵，精通大小聯賽。做人虛懷啲，得益始終係自己，已故驃叔講馬場專收叻仔，亦是同一道理。
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/