商台DJ森美及小儀將於下月底舉行10場「森美小儀歌劇團LokamochiMamiba」舞台劇，昨日門票正式公開發售，不消兩小時已全部售罄。昨午森美及小儀聯同一班有份演出的DJ，專程到尖沙嘴通利琴行視察賣飛情況，好友張敬軒也送上香檳贈興。
張敬軒遲到
森美與小儀坦言希望加場，森美說：「因為個場地之後俾人book晒，或者遲啲再做，可能加開埋日場囉。原本我同小儀場接吻戲只係輕啜一下，𠵱家就錫得激烈啲。」問到兩人到時會否脷叠脷，小儀即表示要留待重演才可以，而森美則說：「最多肉緊到扯埋啲青筋，或者等尾場先囉，不過小儀要醫好佢鼻上粒暗瘡先，因為好肉酸。」
此外，張敬軒因塞車而姍姍來遲，又不慎將香檳噴到路旁的汽車，認真論盡，不過他自爆已經買了四場門票，並會捧王菀之及鄧麗欣做嘉賓時的場次。
採訪、攝影：駱華齡