想知個品牌紅唔紅，指標就係睇佢有無出老翻。唔使問阿貴，I'mnotaPlasticbag一定係呢個夏天最潮之物，𠵱家連老翻都出籠了。「我不是膠袋」已經翻到成行成市，攻陷旺角、尖沙嘴、紅磡等地。啡字歐洲版、綠字日本版、黑字美國版，香港專賣的亞洲特別版等等都有齊晒，最令人驚訝係翻版都出現斷貨，某些版火速賣斷，仲由原先嘅$59加價到$69！不過，翻版始終係翻版，袋嘅手工粗劣，無論車線位、袋形、字體、內櫳都非常求其。拎出街路人甲憑肉眼都睇得出你個袋係翻版咁無面，唔知你仲買唔買呢？
記者：葉雪芯
正版字明明係車上去，但無計，老翻為方便大量製造，求其抄個字體印上去算數。