15/08/2007...
間中大雨及雷暴
最新動態
你信唔信「一分耕耘一分收穫」，講賭波我就一定信，自己睇過隊波點踢，落注同畀貼士都安心啲專業啲。英聯盃開鑼，喜攻英冠嘅我，趁未瞓自然要扭開個ESPN，睇吓修咸頓今屆乜料，結果之後個心好唔舒服。
呢樣嘢唔關乎我輸錢，而係成場波低兩班嘅乙組彼德堡打出嚟嘅水平，似踢英冠多過修咸頓；原因未必係前者佔地利，其實係英超中下游隊近年狂掟銀彈搶英冠優質兵嘅趨勢加劇，令英冠水平越嚟越差。你睇吓修頓條垃圾防線，開「咧」兩場失咗6球（該隊兩大後衞拜亞廸同加夫里巴利都俾英超隊撬走）；季初賭呢個亂勢聯賽都係細注啲。
另外，我要多謝嗰位向來出位嘅講波佬令我睇晒全場；事關未到半場，佢已進入不清醒狀態，將彼德堡講成「米杜堡」；巴利胡禮菲臘斯同協助入球嗰位快翼尼敦戴亞調亂，最後全場波見到黑人，就叫佢胡禮菲臘斯（踢緊車仔嗰個？），令我哭笑不得。
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報