擁有36D「岩石胸」嘅陳瑀涵決心以台灣性感美女形象闖樂壇，近日就籌備推出唱片同寫真，大賣青春本錢同豐滿身材。
現年23歲嘅陳瑀涵一心要踢走死敵林志玲，最近佢喺台灣拍咗個纖體廣告，全裸瞓身演出，拍攝前仲特登節食，務求以最佳狀態出鏡。平時大家嘅焦點都喺佢對「岩石胸」度，但今次為咗想大家留意埋佢渾圓嘅patpat，所以特登揀咗張露pat相做唱片封套。
拉近與學子距離
前日陳瑀涵着住露背裝喺台灣出席纖體活動，引嚟唔少男士圍觀，佢側身時仲春光乍洩㖭。講到佢張巨型性感海報掛咗喺台北火車站前嘅旺區，嗰度補習社林立，問佢怕唔怕對學生造成不良影響？佢話：「現在的年輕人有很高分辨能力，懂得分辨是非對錯，就算真的引起他們的遐想，甚至成為他們的幻想情人，都是我的藝術美感拉近與學子之間的距離，這一切都值得。」
