容祖兒及陳志雲昨日到香港大學出席「太陽計劃齊心香港高飛學長計劃」，祖兒獲委任為今次活動的宣傳大使，當司儀在台上問陳志雲一生遇到的伯樂是否以女性居多時，他竟說：「係呀，其中一個係同祖兒有啲似樣嘅俞琤。」
不敢發掘新人
事後陳志雲解釋祖兒與俞琤的相同之處只是性別一樣，祖兒也不介意，她希望自己的口才與俞琤同樣出色。另一方面，當司儀問陳志雲如何發掘人才時，他又笑說：「唔敢發啦，一陣教女仔又話同我有關係，男仔又話同性戀，之前傳崔建邦，人哋有女友又傳我同佢阿哥，我唔會俾呢啲新聞影響到。」此外，對於有報道指梁詠琪靠陳少琪的關係而有份唱奧運歌曲《WeAreReady》，祖兒表示所有歌手都是開心地迎接奧運，她不希望再有太多傳聞。
採訪：李珮洳
攝影：林德雄