名模LisaS.昨日在中環示範Bvlgari07秋冬配飾，本報昨日報道LisaS.曾與奧斯卡影帝艾德烈邦廸（AdrienBrody）拍拖，她指已由北京返港的男友吳彥祖知悉報道後報以輕鬆一笑。要她比較艾德烈與吳彥祖的床技時，她大呼惡心不作答。
名模LisaS.、姚書軼（Mikki）及「翻版關之琳」Joycelyn，昨日在中環示範Bvlgari07秋冬配飾，本報昨日報道了LisaS.與奧斯卡影帝艾德烈邦廸（AdrienBrody）多年前曾拍拖，昨日LisaS.說：「我今日已經收到好多朋友SMS，其實呢件事身邊好多朋友都知。」
「Daniel好hot」
問LisaS.接受訪問後有否告訴男友吳彥祖（Daniel），他看報後有何反應？她說：「佢啱啱喺北京返咗香港，睇咗報紙佢笑一笑囉，佢一早知道，我同佢之間冇秘密。」她指從沒想過傳媒會知道此事，並讚記者有做功課。
問到艾德烈及吳彥祖誰較靚仔時，LisaS.說：「兩個人分別係Adrien係鬼佬、Daniel係中國人，Daniel好hot！」早前她曾指男性的身高不重要，在床上的表現是沒有分別的，問她艾德烈與吳彥祖誰的床技勝一籌？她說：「呢啲咁私人嘅嘢唔好問，好惡心呀！我從來唔覺得任何人種有好大分別，因為每個人都有自己獨立嘅個性。」
「我會帶旺人」
至於有否想過與黑人拍拖？LisaS.說：「我以前曾經見過一個好靚仔嘅黑人，好想同佢有發展，但最終都冇。」每次都與出名靚仔拍拖，怕惹人妒忌嗎？她說：「我同Adrien一齊時佢都未出名，同Daniel一齊之後佢就越嚟越紅。」她更即時用手「篤」了記者一下說：「我要摸吓你哋，因為我會帶旺人。」她指前後共拍了六次拖，吳彥祖會否是她最後一個男友？她說：「呢樣嘢冇人可以講到。」
採訪、攝影：GeneNg
