徐子珊昨日一身畫家造型現身沙田新城市廣場，為「玉米餅．藝廊」展覽活動揭開序幕，大會邀請了國際級玉米餅畫大師JoeBravo示範玉米餅畫，Joe三日前已為子珊畫了一幅玉米畫人像，對於自己的肖像被畫在玉米餅上，子珊說：「好得意，好開心，我都係第一次畫人像，我覺得隻眼形最似。」
徐子珊很喜歡欣賞畫，但是自覺沒天份當畫家，她說：「我試過學畫畫，但係就冇乜天份，其實唔同地方特色藝術文化我都鍾意，好似去到其他地方，我會欣賞當地文化，早前去泰國，我就買咗啲手繪嘅背心，全部都係得一件，好特別。」
學狄美摩亞
問子珊會否做裸體畫模特兒，她說：「我唔敢，影相都唔敢影，我會尷尬，不過，我有諗過第日大肚影番輯相，好似狄美摩亞（DemiMoore）咁，用手遮住重要部位。」
採訪：楊潔雯
攝影：陳俊強