「大少」林建名前晚一拖三，帶同女兒煒珊、煒珽及兒子孝信到中環，欣賞由一班海外學生舉行的時裝騷，大少透露因其中一名有份設計時裝的學生，是囡囡煒珽UCLA的同學，問他陪子女看騷，是否來監場看他們晚上有否玩到「烏喱單刀」？平時有甚麼做人格言教導子女？他說：「冇乜特別，咪多啲陪佢哋囉，所以佢哋喺外國讀書我都會耐不耐過去睇吓佢哋，同埋教佢哋做人要坦白同勤力。平時都准佢哋去夜街㗎，不過要一點前返屋企。」
信任女兒擇偶
問大少現年20歲的女兒煒珽有否帶男朋友給他見面？他說：「好多，不過都係男性朋友啫。」問有否教女兒小心揀男友？他說：「呢啲佢識，心照㗎啦。」
採訪：GeneNg
攝影：ChenWaiOn