何韻詩和葛民輝前晚在金鐘出席「nowTV全城英超熱LiveParty＠麥當勞」活動，她一身男仔頭打扮，並示範拋波。阿詩近日忙於籌備本月25和26號兩日在會展舉行的演唱會，她說：「因為製作想做到最好，所以已經超支，公司已下令閂水喉。」阿詩表示自己已拿酬金出來補貼，底線是五位數字，她說：「我𠵱家要搵快job補貼。」
貼錢賣唱
問阿詩可會賣身？她說：「冇人要，我入行10年都冇試過有人搵我去富豪飯局，未開齋。我都好想知自己個身價，𠵱家賣血、賣笑同賣身都唔得，唯一只可以賣唱，但都要蝕錢。」日前林建岳生日，阿詩送上甚麼大禮？她說：「我唔問佢攞錢已經係送大禮。」
採訪、攝影：駱華齡