現年53歲嘅日本導演小林政廣，前日喺瑞士舉行嘅第60屆盧卡洛電影節中，憑自編、自導、自演嘅新片《愛之預感》獲頒最高榮譽金豹獎，佢同女主角渡邊真起子一齊上台分享殊榮。小林喺片中扮演一名父親，佢嘅女兒不幸被同學殺死，故事主要描寫慘劇後佢同兇手媽媽嘅交流。小林同出任監製嘅妻子，將會獲得60萬港元獎金。