韓國組合神話成員HyeSung,前晚同噚日下午喺首爾奧林匹克公園舉行首次個人演唱會。喺噚日嘅記者會上,HyeSung遲到半個鐘先出現,佢話由於開騷前太緊張,引致睡眠不足,所以喺開記招前去咗吊鹽水。另一方面,HyeSung又感激隊友MinWoo睇完前晚第一場演出後,畀咗唔少寶貴意見,完成韓國演出後,佢月底會飛到日本四個城市開騷。