19歲青春無敵的動漫Maggie（李曼筠）昨日瘦身前「臨別秋波」最後一次行泳衣騷，憑着34D、25、36驕人三圍，單挑知名度稍高的兩位TVB新紮小花陳敏之及徐淑敏，結果贏盡現場過半百拍友的閃光支持，人氣爆燈，為她將全身投入娛樂圈注入強心針。
陳敏之和徐淑敏兩位TVB新紮小花，昨日聯同動漫Maggie、模特兒周倩圯及莊思敏於九龍灣國際展貿中心行泳衣騷，當中以19歲、憑着34D、25、36驕人三圍揚名網絡界的動漫Maggie威足全場，最受現場過半百拍友閃光支持，其中甚少行商場泳衣騷的陳敏之身穿白色三點式，也搶不了動漫Maggie的風頭，大會更安排外籍靚仔男模為動漫Maggie搽太陽油，令她怕醜到面紅起來。
受寵若驚
揮贏港姐暗地自豪
現計劃全力投身娛樂圈的動漫Maggie透露已簽了纖體合約，故此昨日是她瘦身前最後一次行泳衣騷，記者表示她是全場最受歡迎的模特兒時，她有點受寵若驚地說：「自己都估唔到，都好開心有fans支持，同台仲有明星行騷，有個係港姐（指徐淑敏）。」大會安排了外籍英俊男模為她搽太陽油時，她更怕醜面紅，她說：「從來都未試過有人幫我搽太陽油，所以好緊張。」其實動漫Maggie已全力投身娛樂圈，早前已參與了即將上映的電影《地獄第19層》，與鍾欣桐（阿嬌）首度合作，問到她有否信心時，她笑言：「順其自然，一切由公司安排。」
昨日活動發生了一段小插曲，原本名單上有份行騷的「扒女」李依琳聲稱身體不適，由陳敏之臨時拉夫上陣，而TVB卻極力否認陳「執二攤」。當中陳敏之穿了一件白色三點式時，懷疑不慎露毛，但她死撐說：「應該唔會，我做足安全措施，已經清理好晒。其實好耐都冇行過泳衣騷，三點式更係第一次，自己瘦咗，黑咗同弗咗，係好健康嘅性感，都冇所謂，加上酬勞又好好。」
積極備戰
戒口一日照樣要輸
徐淑敏對於行泳衣騷也嚴陣以待，她說：「第一次咁性感行騷，為咗呢個騷，今日只係食咗一粒糖。」可惜最後她也不是最受歡迎的一個。對於陳敏之露毛疑雲，徐淑敏說：「都唔知，自己就做好咗安全措施。」大會安排了男模為她搽油，會否之前問准男友，她說：「公司安排會照做，呢啲嘢就唔多講。」
採訪：吳天慧、羅慧敏
攝影：仇志德
最高蘋嬸
Maggie除咗青春之外，最大嘅本錢係擁有驕人身材，佢走去纖體嘅話，蘋嬸好擔心佢到時上圍都縮埋水，咁咪冇晒賣點？
蘋果娛樂特派評述員蘋嬸
人物誌：半裸入行逼近阿嬌
李曼筠（Maggie）去年在動漫節擔任賽馬gamegirl，憑其34D、25、36魔鬼身材贏盡男士歡心，「動漫Maggie」響遍網絡界及模特兒界。動漫節後，Maggie拍過一輯噴血半裸寫真《動漫楊丞琳動情集Maggie》，令她人氣急升，其後傳出多間經理人公司爭相與她簽約。Maggie最近獲邀擔任下月上映的電影《地獄第19層》第二女主角，與Twins的鍾欣桐（阿嬌）大鬥演技。
