譚詠麟（阿倫）噚日喺屯門出席宣揚重視大腸癌活動，佢啱啱喺台灣宣傳返港，提到俾台灣傳媒迫供大談囝囝譚曉風，又話佢打肉毒桿菌去皺紋，問阿倫有冇嚇到標汗？佢話：「我知早排蕭定一咬牙切齒話我一定有（打肉毒桿菌），真係多謝晒佢咁抬舉我，可能我太青靚白淨啦，佢真係識貨，不過我唔會嬲嘅，人哋都係搵餐晏仔食吓啫。」