官恩娜(Ella)昨日到油塘擔任「領匯機械人潮服DancingShow」評判及表演嘉賓,更見證現場100個機械人行catwalk和跳舞的健力士世界紀錄,Ella坦言場面非常震撼。
愛玩機械人
Ella表示兒時常跟哥哥一起玩,玩具很男性化,她說:「我玩機械人同氣槍,所以搞到我好粗魯同男仔頭,細個啲朋友都叫我阿官,到我去外國讀書先識扮靚,返到嚟啲朋友都唔認得我。」
原來Ella前日才從內地返港,並謂前晚也有欣賞香港先生比賽,她說:「我上屆都有做評判,我仲記得有個參賽者除咗件濕嘅衫向我fing埋嚟,我覺男仔參加呢啲比賽要好大勇氣,但我就冇睇泳衣環節,自己都係鍾意男仔着波褲多啲,太貼身就唔好,我之前睇好翻版阿Rain,覺得佢幾得意。」
採訪、攝影:駱華齡