奧地利電單車名牌KTM終於在港落地生根，第一間正式總代理由力滙掌舵，實力同埋Backup絕對有信心。新開張嘅Showroom除咗有Supermoto車助陣之外，仲有一系列自己品牌嘅電單車用品；頭盔、手套當然唔少得，超型嘅賽車戰衣亦都令你愛不釋手，正如KTM本身口號「ReadytoRace」一樣，所有裝備就正正係為咗電單車而設，而更特別之處就係KTM嘅色Tone，其他品牌基本上係唔會有顏色限制，但係KTM就偏偏得黑加橙，成間舖嘅裝修都好有Style，表現出在機車界獨特一面。
日本漸到香港
對於較新嘅機車迷，KTM牌子可能比較陌生，因為之前就算你想買番架KTM過癮吓都幾困難，但近幾年KTM已經喺日本機車界佔有一個好重要嘅地位，世界各地車迷開始熱愛呢個品牌，所以香港都好隆重地搞番個Showroom推廣吓。而佢哋主力喺賽車款同埋越野車款度，喺好多大型嘅國際賽上已經擁有一定成績，而更特別之處係所有車都係全人手裝配而成，若車迷們對一般車款已生厭嘅話，就不如去新蒲崗嘅全新KTM陳列室望吓，就算未碰到心水靚車，都有唔少新款配件同精品畀你揀。
記者：TigerL
攝影：陳陶鈞
查詢：力滙Showroom（23200399）
地址：新蒲崗彩虹道214-216號嘉榮工業大廈地下B舖