國際米蘭想衞冕今季意甲錦標？難啲喎！事關佢哋喺近6場熱身賽失咗13球，盡失班霸風範！咁都不特止喎，佢哋喺上個禮拜六友賽荷甲嘅阿爾克馬爾，輸2:4都算，就連風度都輸埋，話說蘇拿利出場一分鐘就因為侵犯對手而被逐出場，做咗「紅牌阿姑」，雖然話熱身賽未必出真功夫，但咁嘅表現真係好難予人信心。