13/08/2007.....
天陰有雨
沒有成功，沒有失敗，最重要你是否仍然享受箇中樂趣，否則不如不玩好了。
最新動態
前晚午夜走到酒吧捧利記場，只見各處人頭湧湧，究竟係暑假效應，定係英超真係咁巴閉，未可咁快下判斷；但換咗「睇場」，始終值得期待。
有死黨話，裝埋「現在」後可能少咗藉口同女友講出嚟睇波咯；事關喺屋企涼住冷氣，開住個高清電視一個畫面同時睇4場波，又可以上網買走地盤，於是佢女友大發嬌嗔話：「你仲乜要咁辛苦走出去酒吧嘥錢睇波啫？」我聽後笑而不語，其實我都有喺屋企意圖盡睇10點開嗰5場直播，結果嗰個零鐘頭好似神經病發咁，一時狂㩒遙控器睇吓邊隊入波（但按4個畫面有時會hang機同螢幕太細），一時又走去電腦旁睇吓邊場走地好買，一時又抑鬱到對班講波佬嘅評述水平搖頭嘆息，結果？咪頂唔順出咗街睇咯。
最後，謝拉特入世界波，只見酒吧內球迷歡喜若狂，歡笑聲不絕於耳，這就是女士們最不明白男士最快感嘅那一刻咯！
蘋果波神
蘋果賭blog日記
http://hk.myblog.yahoo.com/footballexperts/
逢周一至五見報