煲呔御用智囊智經研究中心日前發表「港深融合研究報告」，本地親政府傳媒大事報道幫煲呔吹噓，廣東、深圳傳媒雖然都當「要聞」報道，但只屬聊備一格形式，可見深港合作喺粵港關係麻麻哋嘅情況下，仍處於有偈傾但冇大發展局面。
兩地最新「暗戰」場地係今個月15號開幕通車嘅落馬洲支線新口岸，港府一早決定由政務司司長唐英年主禮，深圳卻未有交代，知情者同八方講，其實落馬洲支線舊年可通車通關，唔知點解深圳以未竣工為由拖住，直到煲呔早前同廣東省長黃華華面談先定出啓用日期。
有港府高官話，廣東省官員對香港成日搵北京出頭對地方官施壓好有意見，不過上有政策，下有對策，總有方法可以同香港平起平坐講合作條件，港珠澳大橋就係例子。